२०७८ माघ ५, बुधबार

नेपाल व ग्वसाःखलः ओमानलिसे थौं धेंधेंबल्ला

ञंलाथ्व चतुर्दशी ११४१, असोज ३ आंईतवाः

ओमानय् न्ह्यानाच्वंगु त्रिकोणात्मक एकदिवसीय क्रिकेट श्रृंखलाया लिपांगु कासाय् नेपालं थौं ग्वसाःखलः ओमानलिसे धेंधेंबल्ला जुइत्यंगु दु ।
 
आईसीसी विश्वकप क्रिकेट लिग–२ अन्तर्गतया थुगु कासा नेपाली ई कथं न्हिने ४ ता ई जुया १५ गू मिनेटय् अल अमिरात क्रिकेट मैदानय् न्ह्यायेत्यंगु दु । न्ह्यानाच्वंगु श्रृंखलाय् नेपाःया थ्व ४गूगु कासा खः ।
 
थ्वयान्ह्यःया ३गू मध्ये निगू कासाय् नेपाः बूगु खःसा छगू कासा त्यागु खः । अमेरिकालिसे छगू कासा बूगु व छगू कासा त्यागु नेपाः ओमानलिसे धाःसा ५ गू विकेटं बूगु खः । नेपाः थौं कासा त्याका ओमानविस्द्ध मदिक्क बुइमाःगु श्रृंखला अन्त्य यायेगु मनंतुनाय् दु ।
 
तर विश्वकप लिग २ क्रिकेटय् दक्वःलय् बल्लागु टोली ओमान विरुद्धया कासा नेपाःया नितिं अपू धाःसा जुइमखु ।
Categorized in कासा