२०८० चैत्र १६, शुक्रबार

नेपाल व भारत दथुई मैत्रीपूर्ण कासा जुइगु

गुंलागा षष्ठी ११४१, भाद्र १२ सनिवाः

साफ च्याम्पियनसिया तयारी न्ह्याच्वंगु नेपाली फुटबल टिमं आः येँ हे अभ्यास न्ह्याकिइगु जूगु दु ।
 
साउन २४ गतेनिसें पोखरा रंगशालाय् अभ्यास याःग्ु नेपाली टिम थौं येँ लिहाँवःगु खः । येँ अभ्यास यायेवं नेपाली टिमं भारतलिसें निगू मैत्रीपूर्ण कासा म्हितिइ । येँ अभ्यास लिपाः नेपाली टिमया प्रशिक्षक अल्मुताइरीं भारतलिसें कासा म्हितेत टिमया तय् याइगु जुई ।
 
नेपाःलिसें मैत्रीपूर्ण कासाया नितिं भारतीय टिम सोमबाः नेपाल थ्यंकेवय्त्ंयंगु दु । साफ च्याम्पियनसीपया नितिं आः नेपाली टिम बन्द प्रशिक्षणय् २५म्ह कासामी दु । मू प्रशिक्षक अल्मुताइरीं न्हापां ५०म्ह कासामीपिन्त बन्द प्रशिक्षणय् सःतूगु खः ।
 
क्रमशः क्याम्पपाखें कासामी पिहाँवयेधुंका आः कासामीपिनिगु ल्याः २५म्ह थ्यंगु दु । नेपाली टिमं भारतलिसेया मैत्रीपूर्ण फुटबललिपा साफ च्याम्पियनसिया तयारी कतारय् वना यायेगु धाःगु दु । 
 
थुखे नेपाली राष्ट्रिय फुटबल टोलीया सदस्य रोहित चन्द धाःसा भारतविरुद्धया मैत्रीपूर्ण कासा मम्हितिइगु जूगु दु । इन्डोनेसियाय् दिम्ह रोहित मैत्रीपूर्ण कासा म्हितेत नेपाः मवइगु जूगु दु । 
 
 
Categorized in कासा