२०८१ आषाढ ५, बुधबार

नेपाल सरकारं डा. सत्यमोहन जोशीयात वाङ्मय उपाधि पाखें बिभुषित

नृपेन्द्रलाल श्रेष्ठ | ञंलाथ्व पारु ११३७ (अगष्ट २२ २०१७) |

 
नेपाल सरकार संस्कृति पर्यटन तथा नागरीक उड्डयन मन्त्रालयपाखें संस्कृतिबिद शताब्दी पुरुष डा सत्यमोहन जोशीयात वाङ्मय शताब्दी पुरुष उपाधिपाखें बिभुषित याःगु दु । थौं येँय् छगु ज्याझ्वःया दथुइ वय्कःयात थुगु उपाधि पाखें बिभुषित याःगु धकाः धाःगु दु । 
 
थेहे उगु ज्याझ्वलय् थीथी थःगु बिधाय् ज्वःमदुगु योगदान यानादिपिं श्रष्टा तयेत नं राष्ट्रिय अथेहे क्षेत्रिय सिरपाः नं लःल्हागु खः ।
 
 
ज्याझ्वलय् महाकबि देबकोटा सिरपाः, भगत सर्वजित मानब मर्यादा राष्ट्रिय सिरपा, पुष्पलाल राष्ट्रिय सिरपापाखें ज्वःमदुगु योगदान यानाच्वंपिं श्रष्टा तय्त नं नगद सिरपा सहित दसिपौ लःल्हागु खः ।
 
 
अथेहे उगु हे ज्याझ्वलय्  भाषा तथा साहित्य बिधाया राष्ट्रिय सिरपा पाखें नेपालभाषाय् ज्वःमदुगु योगदान यानादिम्ह डा सुन्दर कृष्ण जोशीयात नं नगद सहित सिरपा व दसिपौ लःल्हागु खः ।
संस्कृतिबिद डा.जोशींयात वंगु बैशाख २१ गते हे मन्त्रिपरिषदया बैठकं थुगु उपाधि लःल्हायेगु धकाः क्वछिना तये धुकुगु खः ।
 
 
जोशी नेपालभाषा नापं खस भाय्, साहित्य, संस्कृति मदिक्क ज्वःमदुगु योगदान याना वयाच्वंगु कारणं थुगु उपाधिपाखें बिभुषित यानागु धकाः मन्त्रालयनं धाःगु दु ।
 
 
उगु ज्याझ्वलय् संस्कृतिबिद् डा.जोशीयात थुगु उपाधि मूपाहाँ संस्कृति तथा पर्यटन मन्त्री जितेन्द्र नारायण देबं दोसल्ला न्ययेका व हनापौ लःल्हाना बिभुषित यानादिगु खः । 
 
Categorized in राष्ट्रिय