बुधबाः थौं न शेयर बजारय् तसकं कुहावंगु दु। शेयर कारोबार मापक नेप्से परिसूचक ५३ दशमलव १० अंकं घटे जुया २ हजार ४ सय ५५ दशमलव ८० अंकय् कुहावंगु दु।

‘क’ वर्गया कारोबार मापन याइगु सेन्सेटिभ इन्डेक्स न ९ दशमलव ३४ अंकं घटे जुगु दु। नेप्से परिसूचक नाप थौं बुधबाः शेयर कारोबार रकम तक कम जुगु दु। न्हिच्छियक जुगु ४२ हजार ९४६ कारोबारपाखे २२६ कम्पनीया ६५ लाख ६० हजार ९ सय ४७ कित्ता शेयर किनबेच जुगु दु।

थौं कारोबार रकम २ अर्ब ६६ करोड ३९ लाख ९ हजार ६ सय २० रुपैयाँय् रोके जुगु दु। बुधबाः यक्को कम्पनी याउगु शेयर भाः कुहावंगु दु। अयन स्टाण्डर्ड चार्टड बैंक, मैलुङखोला जलविद्युत्, नेपाल एसबीआई बैंक लगायतया शेयर भाः थहावंगु दु।

बुधबाः यक्को गुमे याःसा कम्पनी सामुदायिक लघुवित्त वित्तीय संस्था, एक्सेल डेभलपमेन्ट बैंक, ग्रीन डेभलपमेन्ट बैंक, नयाँ सारथी लघुवित्त लगायतया कम्पनी खने दु।

Categorized in राष्ट्रिय