वाःया न्हापागु दिं आइतबाः शेयर कारोबार मापक नेप्से परिसूचक ७३ अंक स्वया अप्वो थहावंगु दु।

आइतबाः कारोबार खुला जुइवं हे नेप्से परिसूचक ७३.०१ अंकं थहावना २ हजार ७ सय ६५ दशमलव ४७८ अंकय् थ्यंगु दु।

‘क’ वर्गया कम्पनीपिनिगु कारोबार मापन याइगु सेन्सेटिभ इन्डेक्स न १३ दशमलव २१ अंकं थहावंगु दु। कारोबार रकम न ७ अर्ब नाघे जुगु दु।

न्हिच्छियक जुगुलि ८२ हजार ११३ कारोबारपाखे २३९ कम्पनीया १ करोड ५० लाख ५८ हजार ६२१ कित्ता शेयर किनबेच जूगु दु।

उकि कथं कारोबार रकम ७ अर्ब १० करोड १८ लाख ३१ हजार ५ सय ९१ रुपैयाँ थ्यंगु दु।

Categorized in राष्ट्रिय