नेवाः अनलाइन न्यूज स्वदँ क्यन
नृपेन्द्रलाल श्रेष्ठ | ञंलाथ्व तृतीया ११३७ (अगष्ट २४ २०१७)
नेवाः अनलाइन न्यूज स्वदँ क्यंगु लसताय् थौं छगू लसता ज्याझ्वः जुगु दु ।उगु लसता ज्याझ्वलय् नेपाभाषाया विश्वभूमि न्हिपौया सम्पादक अशोक श्रेष्ठया जहानयात नेवाः अनलाइन न्यूजं झीद्धः ध्यबा व मय्जु चेतना श्रेष्ठपाखें झिद्वः तका यानाः नीद्वः तका लःल्हाःगु खः ज्या जुगु खः ।
उगु ज्याझ्वलय् नेवाः न्ह्यलुवाःनापं पत्रकार मल्ल के सुन्दरं, नेपालभाषा टाइम्स न्हिपौया सम्पादक सुरेश मानन्धर, नेवाः राष्ट्रिय पत्रकार दबूया नायः श्रीकृष्ण महर्जनं नेवाः अनलाइन न्यूज निदँ फुना स्वदँ क्यंगु लसताय् भिंतुना नाप प्रगतिया कामना नं यानादीगु खः ।
नेवाः अनलाइन न्यूजं संरक्षक विजयरत्न असंबरें लसकुस यानादीगु उगु ज्याझ्वलय् सुभाय् नेवाः अनलाइन न्यूजया दुजः राजीव राजोपाध्यायं देछानादीगु खः । उगु ज्याझ्वलय् नेवाः अनलाइन न्यूजया प्रमुख सुजीव बज्राचार्यं थःगु नुगःखँ तयादीगु खःसा ज्याझ्वः नेवाः अनलाइन न्यूजया सम्पादक ललेन्द्र शाक्यं न्ह्याकादीगु खः ।
