२०८१ आषाढ ११, मंगलबार

नेवाः अमेरिकन दबूलय् उदय मर्हजन

लहनान्युज | गुंलागा अष्टमी ११३७ (अगष्ट १५ २०१७)

सिकागोय् च्वंगु नेवाः अमेरिकन दबूया साधारण सभां ने.स.११३७ निसें ११३९ तकया नायः कथं उदय मर्हजनयात ल्यंगु दु ।
 
अथे हे ल्यू नायलय् श्रदा कमल ताम्राकार व किरण व्यन्जनकार, छयाञ्जे सर्बज्ञधर तुलाधर व दांभरी अनुप श्रेष्ठयात ल्यंगु दु । दबूया वंगु आईतबार च्वंगु मुज्यां थथे ल्यज्या याःगु खः ।
उगु मुज्यां दुजलय् राधाकृष्ण श्रेष्ठ, बिशाल मानन्धर, प्रज्वल बाबु ग्वंगः,उमेश मर्हजन, सोनम मर्हजन, रोजिना प्रधान, बबिता ताम्राकार श्रेष्ठ ,शुषमा श्रेष्ठ शाहीयात ल्यःगु दु ।
 
 
नेवाः अमेरिकन दबू पाखें न्हुद न्यायेकेगु लिसें नेवाः गतिबिधियात कयाः थीथी ज्याझ्व याना वयाच्वंगु दु । 
 
 
अथे हे दयं दसं “सिकागो नेवाः“ ख्वाःपौं नं पिकाना वयाच्वंगु दु । थुगुसी नेवाः अमेरिकन दबूयात नेपालभाषा परिदषद पाखें चित्तधर सिरपाः लःल्हास्गु खः ।
 
 
 
 
 
Categorized in राष्ट्रिय