२०७९ मङ्सिर २१, बुधबार

नेवाः अमेरिकन दबू सिकागो न्हुदँ व म्हपुजा हन

लहानान्युज | कछलाथ्व चौथी ११३७ (अक्टुवर २४ २०१७)

नेवाः अमेरिकन दबू सिकागोया ग्वसालय  नेपाल संवत ११३८ व म्हपूजाया लसताय् छगू तःजिगु ज्याझ्वःयाःगु दु ।
 
 
उगु  ज्याझ्वलय दकले ज्याथःम्ह श्याम ब्यञ्जनकारं त्वाःदेवाय् मत च्याकाः ज्याझ्वःया उलेज्या याःगु खः ।उगु ज्याझ्वलय ज्या पे सिलभिवा राज्यया डा. मनोरञ्जन धौभडेल व सरिता धौभडेलनेवाः नं अमेरिकन दबूया ख्वाःपौ “सिकागो नेवाः”या न्हयगूगु ल्याःया बिमोचन यानादीगु खः ।
 
अथेह नेवाः राष्ट्रिय म्ये, अमेरिकन व नेपाली राष्ट्रिय म्ये नाप सत्यराम महर्जनं च्वयादीगु लसकुस म्ये हायेका न्ह्याःगु उगु ज्याझ्वलय् सिकागोया नितिं कन्सुलर जनरल अफ नेपाःया भाजु मर्भिन ब्रसातिन व वय्कःया तिरिमय्जु नं म्हपूजा यानादीगु खः । द
 
 
बूया नायः उदय महर्जनं लसकुस न्वचू बियादीगु उगु ज्याझ्वलयडा. धौभडेलंं नेपाल संवत व नेवाः बारे न्वचू बियादीगु खः । निगूगु चरयणय् जुगु उगु ज्याझ्वलय् म्हपूजाया ज्याझ्वः सिकागोया मय्जुपिन्सं याःगु थुगु ज्याझ्वलय झःझः धायेक करिब छघौ तकं मल्याक  मंगल धून नं थ्वयेकूगु खः ।
 
दबूया छ्याञ्जे भाजु सर्वज्ञधर तुलाधरं सुभाय् बियादीगु उगु ज्याझ्वलय पुलांपिं ज्यासना पुचःपिन्त सुभाय् व हनापौ लःल्हागु खःसा दबूलय्् ज्वःमदूगु योगदान बियादीपिन्त हनापौ नं देछाःगु खः । ज्याझ्वलय म्हपूजा लिपा नेवाः भ्वय् नयेगु ज्याझ्वः जूगु खः ।
 
 
 
Categorized in राष्ट्रिय