नेवाः कलाकारतय् दथुइ मैत्रीपूर्ण फुटसल कासा
लहनान्यूज | बछलाथ्व चतुर्दशि ११३७ (मे ९ २०१७)
सुखावती मल्टि प्रोडक्सनया ग्वसालय् नेवाः कलाकारतय् दथुइ मैत्रीपूर्ण फुटसल कासा जुइगु जूगु दु ।
वइगु तछलाथ्व नवमि (ज्येष्ठ २०) शनिबाःया दिनस मैत्रीपूर्ण फुटसल कासा यायेत्यंगु खः । कासाय् नेवाः संकिपा ख्यः व संगीत ख्यःया कलाकारपिन्सं मैत्रीपूर्ण कासा म्हितेत्यंगु खः ।
फुटसल कासा ज्याझ्वलय् कासाया लिसें सांगितिक ज्याझ्वः नं न्ह्यब्वयेगु ज्याझ्वः कजि भोगेन्द्र मानन्धरं जानकारी बियादीगु दु ।
ज्याझ्वलय् सुखावती मल्टि प्रोडक्सनया ब्यानरय् दयेकेत्यंगु न्हूगु संकिपा ‘जेन्टलम्यान’या घोषणा व कलाकारया म्हसीका नं जुइगु जूगु दु ।
उगु हे ज्याझ्वलय् फुटसल कासाया त्याकामिपिन्त दसिपौ व मेडल लःल्हायेगु ग्वसाः खलकं धाःगु दु ।
