गैडाकोट, चितवन ।
नेवाः पत्रकार राष्ट्रिय दबू चितवन कचाया कार्यबाहक नाय: कमलमान श्रेष्ठया सभानाय:सूइ पुष ७ गते केद्रया ग्वसालय जुइत्यंगु न्हापाँगु मिडिया फेष्टीभल ११३८ बिषयसं परिचयात्मक ज्याझ्व: क्वचा:गू दु।
ज्याझ्वसं केन्द्रीय नाय: श्रीकृष्ण महर्जन, मूछ्यान्जे सुनिल महर्जन व दाँभरी एवं फेष्टीभल समारोह समितिया मू कजि सुरेन्द्र भक्त श्रेष्ठ व शैलेन्द्र डङ्गोलं ब्वती कयादीगु ख:।
चितवन कचाया दाँभरी सन्तकुमार श्रेष्ठजु लसकुश यानदिइगु ज्याझ्वसं ०७४ पौष २२ गते पत्रकार राष्ट्रिय देवु केन्द्रपाखें जुइत्यंगु समावेशी संचारयानितिं न्हापाँगु मिडिया फेष्टीभल ११३८ बारे कजि श्रेष्ठं ध्वाथुइकादिइगु खसा मूछ्यन्जे व नाय: महर्जनं समावेशी पत्रकारिताया विषयसं खँ तयादिसें न्हापाँगु मिडिया फेष्टीभल ता:लाकेत आह्वान यानादिइगु ख: ।
ज्याझ्वसं चितवन कचाया सल्लाहकार एवं वरिष्ठ पत्रकार ईश्वर जोशीं व केन्दृय दूज: सन्जीव श्रेष्ठं नेवा: पत्रकारपिनिगु हकहितयानितिं थपिं सदां तयार दूगु लिसें शाखापाखें मागुकथं सहभागितात्मक ग्वाहालीया प्रतिबद्धता प्वंकादीगु दु ।
Categorized in राष्ट्रिय
