नेवाः पुचः यूएई न्हूदँ व म्हपूजा हन
लहनान्युज | कछलाथ्व चौथी ११३७ (अक्टुवर २४ २०१७)
नेवाः पुचः युएई पाखें राष्ट्रिय विभुति शंखधर साख्वा दिवस अले नेपाः या मौलिक संवत नेपाल संवत ११३८ न्हू दँ हनेज्या झः झःधायकः नाप न्ह्ययेगुे ईमिरेट्सय च्वपिं नेवाः तयेत छगुहे थासय हया मंकाः कथं हःगु दु । नाप न्ह्यगु हे ईमिरेट्सय चाहिलेगु भिन्तुना –याली नं यागु खः ।
प्रमुख सल्लाहकार नापं थाकुलि डा. सुरेन्द्र प्रसाद श्रेष्ठं सुकुन्दा च्याका, शंखधर साख्वाया किपातय् स्वामा क्वखायेका उगु ज्याझ्वः न्ह्याकु गु खः । थुगु –याली नेवाः पुचःया संरक्षक, सल्लाहकार व पुलांम्ह नायः प्रमोद श्रेष्ठया नेतृत्वय न्ह्याकुगु खः । –याली दक्को बन्दोबस्ति व ब्यवस्थापन ज्याझ्वःया उपाध्यक्ष राजेश प्रधान व केन्द्रिय सदस्य व शारजाह समिति संयोजक
भाजु मनोज प्रसाद श्रेष्ठं याना दिगु खःसा ईमिरेट्स पाखे संयोजन या ज्या संरक्षक भाजु प्रमोद श्रेष्ठ व सचिब कुमार वलामी याःगु खः ।
रास अल खैमा ईमिरेट्सय श्याम महर्जनया नेतृत्व नेवाः पासापिंसं लसकुस यागु खः। अथेहे फुजेरा ईमिरेट्सय भाजु रमेश महर्जनया नेतृत्वय नेवाः पासापिंसं लसकुस यागु खः । अथेहे उम अल क्वेन ईमिरेट्सय भाजु प्रमोद कुमार श्रेष्ठज्युया नेतृत्वय नेवाः पासापिंसं लसकुस यागु खः। अजमान ईमिरेट्सय मयजू पद्मा श्रेष्ठया नेतृत्वय ले नेवाः पासापिंसं लसकुस यागु खः ।
शारजाह ईमिरेट्सय मयजू कल्पना श्रेष्ठया नेतृत्वय –यालीमिपिंत सगं बिया भब्य रुपः न नेवाः पासापिंसं लसकुस यागु खः । दुबई ईमिरेट्सय, पुचः या दां भरिं भाजु अर्जुन श्रेष्ठ या नेतृत्वय नेवाः पासापिंसं लसकुस यागु खः । अबुधाबी ईमिरेट्सय संस्थापक प्रज्वल श्रेष्ठ या नेतृत्वय नेवाः पासापिंसं लसकुस याना (याली त क्वचायकुगु खः ।अबुधाबीइ उगु –याली क्वचागु खः । –याली लिपा म्हपुजा यागु खः ।
लक्ष्मण श्रेष्ठया सभाध्यक्षय् जुगु उगु औपचारिक म्ह पुजा ज्याझ्वलय् मूपाहाँ नेपाली राजदूतावासया द्वितिय सचिव कृष्ण अर्यालं त्वाः देवाय् मत च्याका उले यानादीगु खः । प्रमुख सल्लाहकार डा. श्रेष्ठ, नेपाल आदिवासी जनजाति महासंघ, यूएईका वरिष्ठ उपाध्यक्ष सुरेन्द्र थिङ तामाङ पाहाँ कथ झाया दीगु खः ।
प्रज्वल श्रेष्ठं लसकुस न्वचु बिया उगु ज्याझ्वलय् संरक्षक प्रमोद श्रेष्ठ, डा. सुरेन्द्र प्रसाद श्रेष्ठं म्हपुजाबारे खँ कनादीगु खः । प्रज्वल श्रेष्ठया संयोजकत्वय म्ह पूजाया यागु खःसा दुजःपि भुवन नकर्मी, भीम नारायण श्रेष्ठ, भाजु सुनिल श्रेष्ठ, शैलेन्द्र राय, रबिन महर्जन, अञ्जना नकर्मी, रोजिना जोशी, मीना श्रेष्ठ, अर्चना शिखाकार याना दिगु खः ।
