थौं नेपाल संवत् तिथि कथं थिंलाथ्व पुन्हि अथेधइगु यःमरि पुन्हि । स्वनिगःनाप देशविदेशय्च्वंपिं नेवाःतय्सं थौं यःमरि पुन्हि नखः हनाच्वंगु दु । जाकिचुं न्हायाः चाकु स्वप्यानाः गोलाःगु यःमरियात च्वकालुइक्क यःमरी दयेकेगु चलन दु ।

यःगु मरि जूगुलिं यःमरि धाःगु जुइमा । यःमरि पुन्हिकुन्हुनिसें दिं ताःहाकः जुइगु अले चा चिहाकः जुइगु मान्यता दु ।

थौं हे स्वनिगः लिसें देय्यंकया ज्यापू समुदायपिन्सं १८ क्वःगु राष्ट्रिय ज्यापू दिवस तःजिक हनाच्वंगु दु । थ्वहे लसताय् ज्यापू समुदायपिन्सं थःगु तजिलजि न्ह्यब्वय्कथं नेवाः परम्परागत वसः पुना ¥याली, फुड स्टल आदि ज्याझ्व याइगु जूगु दु ।

ज्याझ्वया लसताय् ज्यापु संस्कृति विकास कोषं १८ क्वःगु राष्ट्रिय ज्यापु दिवसय् थीथी व्यक्तित्वपिन्त सिरपाःलिसें पदक व विशेष सम्मान याइगु ज्याझ्वः दु।

सांस्कृतिक संगीत ख्यःपाखें ज्यापु प्रतिभा सिरपाः अनिल महर्जनयात, पत्रकारपाखे तेजनारायण महर्जनयात, खेलकुदपाखें टेबल टेनिस कासामि अनिता महर्जनयात, कलापाखें कलाकार रमेश महर्जनयात लःल्हाइगु जूगु दु।

अथेहे, ज्यापु युवा सम्मान मिस नेवाः ११३९ ९ज्येष्ठ २०७६० नितु डंगोल, मिस नेवाः ११४१ ९फागुन २०७७० या कृषा महर्जन, मिस नेवा वर्ल्ड २०२१ या थँहिति क्वाःबहाःया नेन्सी महर्जनयात लःल्हाइगु जूगु दु ।

ज्यापु सरस्वती पदक मध्यपुर थिमिया सुरेन्द्र विक्रम प्रजापतियात व ज्यापु रत्न भोटेबहाःया डा।रमेशमान सिंहयात लःल्हाइगु जूगु दु।

अथेहे ज्यापु विशेष सम्मान सिक्किमया दिलिपकुमार प्रधानयात, मदनसेन बज्राचार्ययात, राजनलाल जोशी व नविनकुमार जोशीयात लःल्हाइगु जूगु दु । अथेहे ज्यापु सांस्कृतिक धरोहर सम्मान तीर्थमान महर्जनयात लःल्हाइगु जूगु दु।

अथेहे किरात समुदायं तःजिक थौं उधौली नखः हंगु दु । उधौली नखः मनू, जनावर व झंगः चखुं लेकपाखें बेसीइ बसाई चिलिगु ई जूगु संकेत बिइत व अन्नबाली दुत्यंकेज्या जूगु लसताय् हनिगु चलन दु ।

प्रकृतिपूजक किरात समुदायया भाय् , संस्कार व संस्कृतिं थःथःगु म्हसिका चूलाकेगु व अस्तित्व ल्यंकेगु जूगुलिं उधौलीया लसताय् हलिंयंकया किरात समुदायं थ्व नखः हनेगु याः ।

विशेष याना किरात राईया बसोबास दूगु पूर्वी पहाडि जिल्ला भोजपुर, धरान, सुनसरी, उदयपुर, खोटाङ, ओखलढुंगा, सोलुखुम्बु लिसेंया येँय् थ्व नखः हनेगु याः ।

उधौलीया लसताय् छगू हे थासय् मुना दुःख–सुख काल बिल यासें संस्कृति न्ह्यब्वइगु वसःतय् ल्हातय् झ्याम्टा, ढोल, चमर व सेउली कया  किरात समुदायया मनू थी थी सोकवा साकेन्वा प्याखँ ल्हुया नखः हनेगु याः ।

Categorized in राष्ट्रिय