नेसन्स लिगको उपाधि फ्रान्स
कौलाथ्व चतुर्थी ११४१, असोज २५ सोमबाः
थुगुसिइया युएफा नेसन्स लिग फुटबलया उपाधि फ्रान्सं त्याकुगु दु ।
वंगु चान्हय् जूगु फाइनल कासाय् स्पेनयात २गू–१गूया गोल अन्तरं बुका फ्रान्सं उपाधि त्याकुगु खः । कासाय् स्पेनया मिकेल ओयरजबालं गोल याना टोलीयात अग्रता बिउगु खः ।
तर फ्रान्सया करिम बेन्जमा व किलियन एम्बाप्पें छगू छगू गोल याना टोलीया जीत पक्का याःगु दु । कासा त्यागु लिसें फ्रान्सया थुगु पुस्तां विश्वकपया उपाधिइ मेगु छगू उपाधि नं थप याःगु दु ।
नेसन्स कपया ३गूगु थाय्या नितिं जूगु प्ले अफ् कासाय् इटालीं बेल्जीयमयात २गू–१गूया गोल अन्तरं बुकल । युरोकप त्याकामि इटालीया नितिं निकोला बारेला व डोमिनिको बेरार्दीं छगू छगू गोल याःगु खः ।
बेल्जीयमया चाल्र्स डि केत्लेरें छगू गोल याःगु खः ।
Categorized in कासा
