न्याक्वःगु नेवाः हाइकु वाचन ज्याझ्वः जुल
लहानान्युज | कौलागा अष्टमी ११४०,कार्तिक २३ आइतवाः
लच्छि छकः जुया वयाच्वंग् नेवाः हाइकु भर्चुयल पाखे नेवाः हाइकु वाचन क्वचाःगु दु।
ध्रुव मधिकःमिं समिक्षाया झ्वलय् हाइकु विधाया विकास नेपालभाषा ख्यलय् बुलुहुं व नियमित न्ह्यानाच्वंगु न्ह्यथनादिगु खः।
नापं प्रविधियात छ्यला नेवाः हाइकु ख्यलं यानाच्वंगु योगदान च्वछाये बहः जूगु धयादिल । अथेहे ज्याझ्वलय् डा.पुष्पराज राजकर्णिकार, प्रेमशन्ति तुलाधर, दिलबहदुर चित्रकार व मेमेपिं सहभागिपिसं नं थःथःगु खँ ब्याका दिइगु खः ।
थुगु संस्करणया ज्याझ्वलय प्यम्ह हाइजिनपिं प्रदीप तुलाधरं, “नुगलय थ्वसगु सः“, किशोर धूस नं “बुद्ध व कोरोना“, मोतिशान्ति शाक्यं “जिगु झिपु हाइकु“, व मंगल नारायण जोशीं “लकदाउन“, झीपु झीपु हाइकु वाचन याःगु खः।
ज्याझ्वः नेवाः हाइकुया कजि, सुरेश प्रधानं न्ह्याका दिइगु खःसा प्राविधिक ग्वाहालि केशरमान ताम्राकार यानादिइगु खः।
