न्यायाधीश नियुक्ति हे न्यायालयस भ्रष्टाचार जुइगु छगु अध्ययन समिति लिच्वः
दिल्लागा षष्ठी ११४१,साउन १५ शुक्रवाः
सर्वोच्च अदालतं गठन याःगु छगू अध्ययन समितिं न्यायाधीश नियुक्ति प्रक्रिया न्ह्यागु निसें हे भ्रष्टाचार जुइगु याःगु लिच्वः पिकाःगु दु ।
प्रधानन्यायाधीश चोलेन्द्र शमशेर राणायात म्हिगः लःल्हागु विकृतिविहीन न्यायालय सम्बन्धी अध्ययन समितिया प्रतिवेदनं अदालतया न्यायाधीश हे बिचौलिया जुइगु याःगु लिच्वः पिकाःगु खः । न्यायाधीश हरिकृष्ण कार्कीया नेतृत्वय् समिति गठन याना अध्ययन याःगु खः ।
थ्व अदालतया विकृति मालेत गठन जूगु ३गूगु समिति खः । थ्वयान्ह्यः तत्कालीन प्रधानन्यायाधीश अनुपराज शर्मा व रामप्रसाद श्रेष्ठ अले कल्याण श्रेष्ठं नं समिति गठन याःगु खः । उपिं समितिया प्रतिवेदनत आःतक्क सार्वजनिक जूगु मदुनि ।
थ्वयान्ह्यः गठन जूगु समितितयेसं नं पूर्वन्यायाधीश, पूर्वकर्मचारी व कानुन व्यवसायीत थुकथं विचौलियाया आवरणय् खनेदूगु उल्लेख याःगु खः । गुलिखय् न्यायाधीशंिपं विचौलियाया भूमिकाय् दूगु ठकर याःगु समितिं अज्यापिं न्यायाधीशयात अनुगमन जुइमाःगु छ्याता नं बिउगु दु ।
अदालती मुद्धाय् चकंक बिचौलियाया बार्गेनिङ व कारागार चलानया मुद्धाय् नं आर्थिक चलखेल जुइगु याःगु समितिं न्ह्यथंगु दु । स्थानीय कर्मचारी, न्यायाधीश व गुलिखय् कानुन व्यवसायी हे विचौलियाया मू भूमिकाय् दूगुलिं उमित सेवापाखें चिइकेमाःगु छ्याता समितिं बिउगु दु ।
विचौलिया व न्यायाधीश दथुया स्वापू व भेटघाट जुइके मबिइत न्यायाधीश लिसें कर्मचारीतयेत मंका आवासया व्यवस्था यायेत समितिं छ्याता बिउगु दु ।
Categorized in राष्ट्रिय
