न्युजिल्यान्डं बंगलादेशयात बुकल
लहनान्युज | तछलाथ्व तृतिया ११३९ (जुन ६ २०१९)
न्यजिल्यान्डं विश्वकप क्रिकेटय् बंगलादेशयात निगु विकेटं त्याकुगु दु । २४५ रनया लक्ष्य ज्वना ब्याटिङ यापिं न्युजिल्यान्डं ४७.१ ओभरय् ८ विकेटया क्षतिइ उगु लक्ष्य चुलाकुगु खः ।
न्युजिल्यान्डया लागि रोस टायलरं ८२ रनया ग्वाहालि उगु कासा त्याकेत तालाःगु खः । कप्तान केन विलियम्सनया ४० रनया ग्वाहालि दुगु खः ।
बलिङपाखे बंगलादेशया मेहिदी हसन मिराज, शकिब अल हसन, मोहम्मद शैफुदिन व मोसादक हुसेनं म्हति निगु निगु विकेट काःगु खः ।
टस बुना न्हापा ब्याटिङ याये मापि बंगलादेशं निर्धारित ५० ओभरय् २४४ रन जक दयेफुगु खः ।
बंगलादेशया लागि सकिब अल सहनं ६४ रन, मोहम्मद शैफुदिन २९, मोहम्मद मिथुन २६ व सौम्या सरकारं २५ रन दयेकुगु खः ।
बलिङपाखे न्युजिल्यान्डया मट हेनरीं प्पगु विकेट काःगु खः ।
