न्यूजिल्याण्डय् छम्हेसित संक्रमण जुइवं लकडाउन यात
गुंलाथ्व दशमी ११४१, भाद्र १ मंगलवाः
न्युजिल्याण्डय् लिपांगु खुलाय् न्हापांखुसी छम्ह मनु कोरोना संक्रमण खनेदेवं राष्ट्रव्यापी लकडाउनया घोषणा याःगु दु ।
न्युजिल्याण्डं कोरोना संक्रमित खनेदेवं अकल्याण्ड सहरय् छवाःया नितिं लकडाउन याःगु खः । देय्या मेमेगु थासय् धाःसा स्वन्हू जनक लकडाउन याःगु दु ।
न्युजिल्याण्डया अधिकारीतयसं आः खनेदूगु कोरोना संक्रमण डेल्टा भेरियन्टया हे खः धासें सुरक्षा सतर्कता अप्वेकूगु धाःगु दु । आः न्युजिल्याण्डय् थ्यंमथ्यं २०गू प्रतिशत नागरिकतय्सं कोरोना भाइरसविरुद्धया खोप कायेधुंकूगु दु ।
न्युजिल्याण्डय् खनेदुम्ह संक्रमित थ्यंगु थाय् मान्डेल सहरय् छवा लकडाउन याःगु दु । न्युजिल्याण्डया प्रधानमन्त्री ज्यासिन्डा अर्डनं लकडाउन ईलय् अत्यावश्यकबाहेक दक्वः सेवा बन्द जुइगु धाःगु दु ।
न्युजिल्याण्ड कोरोना संक्रमणयात कजय् कायेत ताःलागु देय्कथं कयावयाच्वंगु दु ।
Categorized in अन्तर्राष्ट्रिय
