न्हुदँया लसताय् जनकवि दुर्गालालया म्ये पिदनीगु
नृपेन्द्रलाल श्रेष्ठ | कौलागा द्धितिया ११४०,कार्तिक १७ सोमवाः
नेपाल संवत राष्ट्रिय न्हूदँ समारोह समिति ११४१ या ग्वसालय् नेपालभाषा मंकाः खलःया नायःलिसें जनकवि दुर्गालाल श्रेष्ठया भिंतुना म्ये पिदनीगु जूगु दु।
न्हूदँया लसताय् हलिंन्यंकं न्हूदँ हनेत व भिंतुना देछायेगु कथं थथे जनकवि श्रेष्ठया म्ये पिदनेत्यंगु खँ समारोह समितिं धाःगु दु।
उगु म्ये मंकाःम्ये जुइगु कथं समारोह समितिं तयारी यानाच्वंगु जानकारी ब्यूगु दुसा लिसें म्यूजिक भिडियो दयेकेगु ज्या नं जुइगु जानकारी ब्यूगु दु।
थुगु दँया न्हूदँ कोरोना भाइरसया महामारीया हुनिं सामाजिक संजालपाखें भिंतुना देछायेगु कथं थथे भिंतुना म्ये दयेकेगु ज्या जूगु खः।
Categorized in राष्ट्रिय
