न्हूदँ तःजिक हनेत संघसंस्थालिसे सहलह
न्हूदँ ने.सं. ११३७ तःजिक न्यायेकेत थौं न्हूदँ राष्ट्रिय समारोह समिति ११३७ पाखें थौं येँय् क्लब, संघसस्था मुना ज्याझ्वः याःगु दु ।
 
न्हूदँ समारोह समितिया नायः सांसद भिमसेनदास प्रधानं न्हूदँ तःजिक हनेगु नितिं क्लब, संघ ,सस्थायात ग्वाहालि यायेत इनाप यासेंं नेपाल संवत् सकसिगु खँ धइगु भावना ब्वलंकेमाःगु बिचाः तयादिल ।
 
र्याली व सभाया बारे ब्यबस्थापन समितिया दुजः सुजिब बज्राचार्यं जानकारी बियादिल ।
 
लसकुस न्वचु ब्यबस्थापन समितिया दुजः पंच नारायण मर्हजन बियादिगु खः ।
 
मुनाय् नेवाः न्हयलुवाः मल्ल के सुन्दर, गणेश सायमिलिसें थीथी क्लब, संघ, संंस्थाया प्रतिनिधिपिनिगु उपस्थिति दुगु खः ।