पचली भैरव जःखःया सतःया पुनर्निर्माण न्ह्यात
लहानान्युज | दिल्लागा एकादशी ११४१,साउन २० बुधवाः
येँया पचली भैरव द्यः जःखःया फल्चाया पुननिर्माण न्ह्याःगु दु । येँ महानगरपालिकाया मेयर विद्यासुन्दर शाक्यं बुधबाः उगु फल्चा व सतःया पुनर्निर्माण पलिस्था यानादिगु खः ।
२०७९ साल जेठ मसान्ततक्क निर्माण क्वचाइकथं पलिस्था जूगु उगु फल्चाया निर्माण ज्याया भाला नमोबुद्ध विल्डर्स प्रालियात बिउगु दु । उगु झ्वलय् मेयर शाक्यं सम्पदा संरक्षणय् स्थानीय सरकार, प्रदेश सरकार, संघीय सरकार व गुठीतय्गु भूमिका नं महत्वपूर्ण जुइगु लुमंकादिल ।
मेयर शाक्यं येँ महानगरपालिका दुने विश्व सम्पदान धलखय् सूचिकृत प्यंगु विश्व सम्पदा दूगु न्ह्यथंसें उकिया संरक्षणय् ध्यान केन्द्रित यायेत सम्बन्धित पक्षयात आह्वान यानादिल ।
हलिंया सम्पदा त स्वयेत थीथी देय्या पर्यटकपिं वइगु जूगुलिं उकिया संरक्षणय् स्थानीयपिन्सं विशेष कथं ध्यान बिइमागुलि बः बियादिल ।
Categorized in राष्ट्रिय
