पञ्चवीर सिंह सिरपा लःल्हात
लहनान्युज | बछलाथ्व षष्ठी ११३८ (अप्रिल २१ २०१८)
युवा बौद्ध समुह, येँया ग्वसालय् बुद्ध संवत २५६० दँया पञ्चवीर सिंह सिरपा इने ज्याझ्वः थौं आनन्द कुटी स्कूल बिद्यापीठ जुगु दु ।
नेपालभाषा मिसा खलःया नायः मंगला कारञ्जित मूपाहाँ जुया झागु खः ।
नेपालभाषा न्हिपतिइ पिहावःगु वौद्ध धर्मया च्वसूया आधारय् जुइगु उगु ल्यज्याय् निम्ह च्वमि पिन्त ल ल्हाइगु खः ।
थुगुसि थुगु सिरपा मिसा च्वमिपाखें मय्जु ललिता धाख्वा व मिजं च्वमिपाखें माधवलाल प्रधानयात मूपाहाँ मंगला कारंजितं हनापौ व सिरपाया दाता पञ्चवीर सिंह तुलाधरं ध्यवा लःल्हानादीगु खः ।
अथेहे स्वकः तक सिरपा त्याकादीम्ह सुनिता मानन्धरयात न विशेष हना ज्या याःगु खः । नाप इलोंह पञ्चवीर सिरपा शाक्य सिह बिहारयात लःल्हागु दु ।
समुहया नायः तेज साय्मिया सभाधक्ष्य जुगु उगु ज्याझ्वलय नेपालभाषा न्हिपौया सम्पादक सुरेशकिरण मानन्धर, डा.केशवमान शाक्य, इलोहया प्रवन्ध निर्देशक नरेशवीर शाक्यपिनिगु न उपस्थिति दुगु खः ।
