पत्रकारयात लिकायेगु व तलब कटौती मयायेत फोनिजयाःगु माग
लहनान्युज | बछलाथ्व अष्टमी ११४०, बैसाख १९ शुक्रवाः
नेपाल आदिवासी जनजाति पत्रकार महासंघ (फोनिज) संघीय समितिं पत्रकार लिकायेगु व तलब कटौती मयायेत इनाप याःगु दु । बिहिवाः सनिलया ५ वजे जुमपाखे च्वंगु मुँज्या उगु निर्णय याःगु खः ।
बिहीवाः संगठनया अध्यक्ष डण्ड गुरुङयाःगु को सभाध्यक्षताय् च्वंगुु उगु बैठकय् कोरोना भाइरस (कोभिड १९) संक्रमणया जोखिमय् पत्रकार लिकायेगु व वेतलबी च्वनेगु लािग सञ्चारगृहं न याःगु इनापयात कया पत्रकारया सलय् ध्यानय् तया फोनिज अथे मयायेत इनाप याःगु दु ।
कोरोना भाइरस रोकथाम तथा नियन्त्रणया लागि याःगु लकडाउनपाखे नेपालया पत्रकारपिं व सञ्चार गृह न प्रभावित जुगुलि उगु सम्बन्धय् सरकार व सञ्चारगृहयात ध्यानाकर्षण यायेगु निर्णय न याःगुु दु । उगु बैठकं दक्को प्रकारया सञ्चार गृहया लागि विशेष प्याकेज हयेत दक्को तहया सरकारयात इनाप यायेगु निर्णय याःगु धका संगठन सचिव मिलन लिम्बुं लहनान्युजयात धयादिगु खः ।
थज्याःगु इलय् समाचार संकलनया लागि पत्रकारपिन्त माःगु आवश्यक सामाग्री उपलब्ध यायेत सम्बन्धित सञ्चार गृहयात न इनाप यायेगु निर्णय याःगु दु ।
अथेहे, थौंकन्ह्य थज्याःगु संकट क्यना पत्रकारपिन्त लिकायेगु व तलब कटौती मयायेत दक्को सञ्चार गृहयात इनाप याःगु दु ।
