पत्रकार पुचलं प्रहरी महानिरीक्षक सर्वेन्द्र खनालयात भिंतुना बिल
लहनान्युज | चौलागा द्धादशी ११३८ (अप्रिल १३ २०१८)
नेवाः पत्रकारपिन्सं शान्तिपूर्ण आन्दोलनप्रतिं संवेदनशीलता व मानवअधिकारया मर्मयात उच्च सम्मान यायेगु लागि नेपाल प्रहरी सफल या कामना यासे प्रहरी महानिरीक्षक सर्वेन्द्र खनालया कार्यकाल सुथां लायेमा धका कामना न याःगु दु ।
थौं शुक्रबाः नक्सालय् प्रहरी प्रधान कार्यालयय् प्रहरी महानिरीक्षक खनालयात नापलाना उगु खँय् ध्यानाकर्षण नं याःगु खः ।
‘राज्य सकसिगु खः धइगु अनुभूति बिइगु ज्याय् नेपाल प्रहरी अझ लगे जुइमाःगु धःका पत्रकार सुनील महर्जनं धयादील ।
समुदायमैत्री प्रहरी प्रशासनया मर्मयात अझ स्थापित याना वनेमाःगु, सूचनाया हक व्यावहारिक अभ्यास अप्वके माःग खँय् पत्रकार तय्गु पुचलं प्रहरी महानिरीक्षक खनालया ध्यानाकर्षण यागु खः ।
थौंं प्रहरी महानिरीक्षक खनालयात भिंतुना बिइत लहना वाःपौ पाखें नृपेन्द्रलाल श्रेष्ठ, सुरेन्द्रभक्त श्रेष्ठ नेपाल समाचारपत्र दैनिकया सुनील महर्जन, इनडेफ्ट नेपालया कार्यकारी सम्पादक राजेश बज्राचार्य, नेवान्यूज अनलाईनया रवि महर्जन व इन्डिजिनिएस टेलिभिजनया शैलेश डंगोल पुचलं वंगु खः ।
