पत्रकार शाक्य मोटर साईकल दुर्घटना
लहनान्युज | बछलाथ्व एकादशी ११३९ (मे १५ २०१९)
बुद्धवाणी सप्ताहिकया सम्पादक विश्वन्तर शाक्य मोटरसाईकलया ठक्करं घाइते जुगु दु ।
मोटरसाईकलया ठक्करं पत्रकार शाक्यया ल्हाः व टुतिइ गम्भीर घाःपाः जुगु दुःसा, बुढी पति न त्वःधुगुु दु । म्हय् धाःसा सामान्य घाःपाः जुगु दुसा ख्वपाः न मनावाःगु दु । उगु ठक्करं पत्रकार शाक्यया बा ५३ प ६४१४ नम्बरया स्कुटर क्षतविक्षत जुगु दु ।
कोपोन्डोलपाखे स्कुटर वम्ह पत्रकार शाक्ययात हिमालय होटेल न्ह्यने लँय् लिउने मोटर साईकलं ठक्कर बिगु खः । ठक्कर नक्कुगु मोटरसाईकलया नम्बर धाःसा आतक सिइके मफुनि ।
महानगरीय ट्राफिक कार्यालय जावलाखेलं कथं लँय् तया तःगु सि. सि क्यामराया पाखे ठक्कर बिगु मोटर साईकल व थुवाःयात माला च्वःगु दु ।
अथेह नेवाः पत्रकार राष्ट्रिय दबूनं छगु विज्ञप्ती पिकया ठक्कर बिगु मोटरसाईकलया पहिचान याना याकन हे कारवाही यायेत मागु यासे घाःपाः जुम्हेसित वासः खर्च व स्कुटरया क्षति पुलाबिइत न माग याःगु दु ।
