पन्जाबं बैंगलोरयात ९७ रनं त्याकल
मनिष | अनलाथ्व नवमी ११४०,असोज ९ शुक्रवाः
यूएईलय् जुया वयाच्वंगु १३ गु संस्करणय् इन्डियन प्रिमियर लिग (आईपीएल) टी–ट्वान्टी क्रिकेटय् किङ्स इलाभेन पन्जाब याउक त्याःगु दु।
म्हिगः बिहीवाः जूगु कासाय् पन्जाबं बैंगलोरयात ९७ रनं त्याःगु दु । दुबई अन्तराष्ट्रिय क्रिकेट स्टेडियमय् पन्जाब बिःगु २०७ रनया लक्ष्य ज्वना वःगु बैंगलोरं १७ ओभरय् दक्को विकेट गुमे याना १०९ रन जक दयेके ताःलागु खः।
बैंगलोरया लागि वासगिन्टोन सुन्दरं दकलय् अप्वो ३० रन दयेकुगु खः । अथेहे एबी डी बिलियर्स २८ रन, अरोन फिन्च २० व शिभम् डुबे १२ रन दयेकुगु खः। पन्जाबया लागि मुर्गान अश्विन र रवि वविश्नोइ न स्वगु स्वगु तीन–तीन विकेट काःगु खः । अथेहे सेल्डोन कट्रेलं निगु विकेटस मोहमद स्वामी व गेलेन म्याक्सवेलं छगु छगु विकेट काःगु खः।
वया स्वया न्ह्यः टस बुया न्हापागु ब्याटिङयासे पन्जाबं निर्धारित २० ओभरय् ३ विकेट गुमे याना २०६ रन दयेकुगु खः।
पन्जाबया लागि कप्तान केएल राहुलं शतकीय पारी म्हितीगु खः । ६९ बलय् राहुलं १४ चौका व ७ छक्काया ग्वाहालि नट आउट १३२ रन दयेकुगु खः। अथेहे मेपि महेकं अग्रवालं २६ व निकोलस पुरानं १७ रन व करुन नैरी न १५ योगदान याःगु खः।
बैंगलोरया लागि शिभम डुबे न निगु विकेट व युजेभेन्द्र चहाल न छगु विकेट काःगु खः।
Categorized in कासा
