परिषदं भाषाथुवाया यज्ञरत्न धाख्वयात बिइगु
नृपेन्द्रलाल श्रेष्ठ | अनलाथ्व चौथी ११३८ (मे १९ २०१८)
नेपालभाषा परिषदं थुगुसी भाषाथुवाया उपाधी बरिष्ठ साहित्यकार यज्ञरत्न धाख्वयात बिइगु क्वःछिगु दु ।
थौं जुगु परिषदया झींस्वक्वःगु तँमुज्याय् सचिव नबिन चित्रकारं उगु खँया जानकारी बियादीगु खः ।
अथेहे चित्तधर सिरपा साहित्यकार डा.योगेन्द्रमान श्रेष्ठ, ठाकुरलाल सिरपा डा.पुष्पराज राजकर्णिकार, मोतिलानि सिरपा लोचनतारा तुलाधर, केशवलाल सिरपा अनिता तुलाधर व पुर्णहिरा सिरपा मोतिलक्ष्मी शाक्ययात बिइगु धकाः थां जानकारी बियादीगु खः ।