पर्साय् सशस्त्र प्रहरी व स्वास्थ्यकःमिपिन्त कोरोना संक्रमण
लहनान्युज | ञंलाथ्व ९ ११४०,भाद्र ११ बिहीवाः
पर्सा, बारा व रौतहटय् ३३ म्हेसित कोरोना संक्रमण पुष्टि जूगु दु । नारायणी अस्पतालयन प्रयोगशालाय् याःगु परीक्षणय् उपि कोरोना संक्रमण पुष्टि जूगु खः ।
प्रयोगशालय् ५१० म्हेसिगु स्वाब नमुना परीक्षण याःगु ३३ म्ह कोरोना संक्रमण पुष्टि जूगु धका नारायणी अस्पतालया सूचना अधिकारीं जानकारी बिःगु दु ।
संक्रमितपि मध्ये २१ म्ह पर्साय् च्वपि खः । उकि मध्ये निम्ह सशस्त्र प्रहरी व निम्ह स्वास्थ्यकर्मी व छम्ह उमिगु परिवारया सदस्ययात न संक्रमित जूगु खः ।
कोभिड महामारीय् खटे जूपि जिल्ला जनस्वास्थ्य कार्यालय पर्साया जनस्वास्थ्य निरीक्षक जयमोद ठाकुर, वया तिरि मय्जु नाप नारायणी अस्पतालय् ज्यायाइम्ह नर्स व वया काय् यात न कोरोना संक्रमण खनेदुगु खः ।
