पर्सा पोखरियाया मेयर व मेसु नाप ३३म्ह कोरोना संक्रमण पुष्टि
लहनान्युज | गुंलागा १३ ११४०,भाद्र १ सोमवाः
पर्सा पोखरिया नगरपालिकाया मेयर दीपनारायण रौनियार व पोखरिया अस्पतालया मेडिकल सुपरिटेन्डेन्ट (मेसु) अनिल यादव नाप ३३म्हेसित कोरोना संक्रमण पुष्टि जूगु दु ।
काभे धुलिखेलय् पीसीआर प्रयोगशालाय् याःगु परीक्षणय् ३३म्हेसित कोरोना संक्रमण पुष्टि जूगु दु ।
साउन २६ गते मेयर रौनियार नाप ३४ म्हेसिगु स्वाब संकलन परीक्षण याःगुलि आइतवाः ३३ म्हेसिगु रिपोर्ट पोजिटिभ वःगु दु ।
पोखरिया नगरपालिकाया मेयर रौनियार नाप वडा नं. ४ या वडाध्यक्ष लक्ष्मण साह कानु, पोखरिया अस्पतालया मेडिकल सुपरिटेन्डेन्ट अनिल यादव, अस्पतालया केपि निम्ह डाक्टर, निम्ह नर्स नाप प्यम्ह स्वास्थ्यकःमि संक्रमण पुष्टि जूगु दु ।
अथेहे पोखरियाया छम्ह पत्रकारयात न कोरोना संक्रमित पिहा वःगु दु ।
