पवन जोशीया निर्देशनय् मेगु म्यूजिक भिडियो
शोभा श्रेष्ठ | ञंलागा ३० ११४०,असोज १ बिहीवाः
लोकह्वाम्ह बरिष्ठ निर्देशक पवन जोशीया च्वसाय् मेगु छगू पृथक शैलीया न्हूगु म्ये पिहावये त्यंगु दु ।
आः पिहावये त्यंगु म्ये राजमती कुमति धाल, नुगः जिगु ख्वल यःमां, पवन जोशीया च्वयादिगु खः ।
उगु गायक नाप कलाकार अगिना तण्डुकारया हालादिगु खः ।
थुगु म्येया संगीत संयोजन लोकंह्वाःम्ह संगीतकार अनिल तुलाधरं यानादीगु दु । अन्नपूर्ण रिकर्डिंग स्टुडियोस रिकर्ड जूगु थुगु म्येया रिकर्डिष्ट विजय मास्की याःगु खः ।
म्ये रिकर्ड क्वचायेधुंकाः अगिना तण्डुकार थःगु सः न्यनाः थः हे लय्तागु थुगु म्येयात यथार्थ भावार्थ न्ह्यब्वयाः याकनं हे म्यूजिक भिडियो निर्माण यायेगु जानकारी न बियादिगु खः । थुगु छपू बांलाःगु व स्तरीय नाप न्हूगु शैलीइया म्येय् थःगु सः थ्वयेकेदूगुलिं लसता प्वकादिगुखः
अथेहे, पवन जोशीया च्वसां पिज्वःगु थुगु म्येयात अतिकं स्तरीय व ई कथं बांलाक्क म्यूजिक भिडियो निर्माण यानाः स्वकुमिपिनिगु न्ह्यःने हयेगु जुइ धकाः म्येहालामि सुशील शाहीं जानकारी बियादिगु खः ।
Categorized in मनोरन्जन
