पवन जोशीया ‘मतिनां’ याकन पिहावइगु
नांजाम्ह कलाकार नाप निर्देशक पवन जोशीया न्हुगु चिहा कःगु संकिपा ‘मतिना’ याकन हे पिहा वयेत्यःगु दु ।
 
 
किपूया धुँ देय् प्रोडक्सनया न्हुगु चिहाकःगु संकिपा ‘मतिना’ नेवाः समाजय् थिंत्यः मत्यः धइगु जातिय बिभेदया बिरुद्धया सः खः धका संकिपाया निर्देशक पवन जोशी लहनान्युजयात धयादिगु खः । 
 
 
निर्देशक जोशीं थौंया इलय् न नेवाः समाजय् थःजात व क्वः जात धका जुयाच्वंगु दु जातिय बिभेदया  अन्त यायेगु लागि थुगु संकिपा पाखें सन्देश खः धकाः लहनान्युजयात जानकारी बियादिगु खः ।
 
नांजाःम्ह बरिष्ठ कलाकार, च्वमिलिसें निर्देशक पवन जोशीं किपूया धुँ देय् प्रोडक्सनया लुखां ‘मतिना’ नांया चिहा संकिपा निर्माण याःगु दु ।
 
 
श्रीकृष्ण ज्यापुं बाखं च्वयादीगु थुगु चिहा संकिपा ‘मतिना’य् प्याखंच्वमि निर्माता रामकृष्ण धिना नाप कलाकारपिं राजी किपू, अनु महर्जन, लक्ष्मीकुमार महर्जन उदास, मिनाकुमारी महर्जन, चन्दा श्रेष्ठ व नेपाःया न्हापांम्ह स्टुडियो मिसा फोटोग्राफर रञ्जना जोशीया अभिनय दुथ्याःगु सकिपाया च्वमि निर्देशक पवन जोशीं जानकारी बियादीगु खः ।
 
 
‘मतिना’ चिहा संकिपाया क्यामेरा पर्सन राजेश शाक्यं सम्पादन व मिक्सिङया भाला नं  कुबियादीगु दु ।बरिष्ठ कलाकार निर्देशक च्वमि पवन जोशीं नेपालभाषा जक मखु खस नेपाली संकिपालय् न नांजाम्ह खः ।
 
Categorized in मनोरन्जन