२०८१ जेठ १२, शनिबार

पहिचानया व भ्रष्टाचार विरुद्ध संघीय गठबन्धनया धर्ना

लहनान्युज | बछलागा नवमी ११३९ (मे २७ २०१९)

पहिचानया स्थापना भ्रष्टाचार विरुद्धया थीथी माग तयाः ‘पहिचानमा आधारित संघीय गठबन्धन’पाखें वंगु आइतवाःनिसें न्हूबानेश्वरय् छवाःया शान्तिपूर्ण धर्ना च्वंगु दु । 
 
 
विशेष यानाः प्रदेशया नामाकरण याय्गु इलय् पहिचानया आधारय् नेवाः, ताम्सालिङ, शेर्पा, लिम्बुवान, किरात÷खम्बुवान, मधेश व दलित शिल्पीया गैर भौगोलिक प्रदेश घोषणा, गण्डक, कर्णाली व सुदूरपश्चिम खारेज यानाः छसि कथं तमुवान–मगरात, थरुहट व खसान नां तय्माःगु, स्वनिगलय् जुयाच्वंगु नेवाःतय्गु भूमि, भाषा व सम्पदाय् जुयाच्वंगु दमन व अतिक्रमण बन्द याय्त माग याःगु दु । 
 
 
गठबन्धनपाखें नेपाः राष्ट्रिय पार्टीपाखें डा. विजय सैंजु, नेवाः राजनैतिक अभियानपाखें श्रीकृष्ण मानन्धर, नेपाल साँस्कृतिक पुनःजागरण अभियानपाखें असोज महर्जन, खशान राष्ट्रिय संघर्ष समितिपाखें प्रेम बहादुर खाती, आदिवासी जनजाति पार्टी, नेपाल सम्बद्ध तामाङसालिङ–नेवाः संघर्ष समितिपाखें बुद्धराज तामाङलिसें संघीय लोकतान्त्रिक राष्ट्रिय मञ्चय् आबद्ध थीथी संघसंस्थापाखें ल्हाःचिं तयाः पिथना तःगु वक्तब्यय् संविधान संशोधन यानाः १० प्लस १ प्रान्त कायम याय् माःगु, माननीय सांसद रेशम चौधरीयात तत्काल त्वःते माःगुलिसें स्वनिगलय् अप्वया वनाच्वंगु जनसंख्याया चाप नियन्त्रण यासें अब्यवस्थित शहर विकास व न्हूगु शहर दय्के माःगु माग याना तःगु दु ।
 
Categorized in राजनीति