२०७८ बैशाख १, बुधबार

पाकिस्तानं इंग्ल्यान्डयात १४ रनं त्याकल

लहनान्युज | तछलाथ्व पारु ११३९ (जुन ४ २०१९)

पाकिस्तानं विश्वकप क्रिकेटया आयोजक देय् इंग्ल्यान्डयात १४ रनं त्याकुगु दु ।
 
 
३४९ रनया विशाल लक्ष्य ज्वना ब्याटिङ या वपि इंग्ल्यान्डं निर्धारित ५० ओभरय ९ विकेटया क्षतिइ ३३४ रन जक दयेकेत ताःलागु खः ।
 
 
इंग्ल्यान्डया जोइ रुटं १०४ बलय् १०७ रन जोस बुटलरं १०३ रन दयेकुसा अन्तय् त्याकेत धासाः सफल जुए मफुत ।
 
 
पाकिस्तानया लागि वाहब रियाजं स्वंगु विकेट व मोहम्मद अमिर शादब खानं समान २–२ विकेट काःगु खः ।
 
 
ट्रेन्ट ब्रियु टस बुना ब्याटिङ यायेत वःपि पाकिस्तानं उत्कृष्ट प्रदर्शन यासे ५० ओभरय् ८ विकेटया क्षतिं ३४८ रन दयेकेत तालाःगु खः
मोहम्मद हफिजं ८४ रन, बाबर अजामं ६३, कप्तान सर्फराज अहमद ५५, इमाम उल हक ४४ व फखर जमानं ३६ रन दयेकुगु खः ।
 
 
बलिङतपाखे इंग्ल्यान्डया मोइन अली व क्रिस वोकसं समान ३–३ विकेट काःगु खः ।
 
 
Categorized in कासा