२०८० चैत्र १६, शुक्रबार

पाकिस्तानया क्वेटा सहरय् बम विस्फोटय्

कौलाथ्व चर्तुथी ११४१, कात्तिक २ मंगलबाः

पाकिस्तानया क्वेटा सहरय् बम विस्फोटय् लानाः छम्ह सुरक्षाकःमि सीगु दुसा १७ घाःपाः जूगु दु ।
 
दक्षिण पश्चिम पाकिस्तानया बलुचिस्तान विश्वविद्यालयया क्वेटा क्याम्पसया गेटय् विस्फोट याकूगु खः । सुरक्षाकःमि गयाच्वंगु गाडीयात लक्षित यानाः विस्फोट याकूगु प्रत्यक्षदर्शीयात उद्धृत यासें अन्तर्राष्ट्रिय समाचार संस्थातय्सं न्ह्यथंगु दु ।
 
 
विस्फोटय् १३ सुरक्षाकःमि व प्यम्ह सर्वसाधारण दुगु धाःगु दु । घाःपाः जूपिन्त सैन्य अस्पतालय् वासः यानाच्वंगु दु । बलुचिस्तान प्रान्तया राजधानी क्वेटाय् सशस्त्र जातीय पुचलं सुरक्षाकःमियात लक्षित यानाः निरन्तर विस्फोट याकावःगु दु ।
 
तर आःतक्क घटनाया छुं नं पुचलं जिम्मा मकाःनि । बलुचिस्तान प्रान्तया जातीय बलूच बहुल क्षेत्रया लागिं अधिकार, स्वायत्तता व स्वतन्त्रताया माग यासें छगू दशक स्वयां अप्वः इलंनिसें उगु पुचलं सुरक्षाकःमि व सर्वसाधारणयात लक्षित यासें बम बिस्फोट याकावःगु दु ।
Categorized in अन्तर्राष्ट्रिय