२०८० चैत्र १६, शुक्रबार

पाकिस्तानी आतंकवादी पुचः अफगानिस्तान दुहाँवंगु राष्ट्रसंघया दावी

दिल्लागा पंचमी ११४१,साउन १३ बुधवाः

संयुक्त राष्ट्रसंघं ६ द्वः पाकिस्तानी आतंकवादी पुचः अफगानिस्तान दुहाँवंगु दु ।
 
संयुक्त राष्ट्रसंघ सुरक्षा परिषदं थौं कन्हय् छगू सार्वजनिक याःगु छगू प्रतिवदेन कथं ६द्वः पाकिस्तानी आतंकवादीया पुचः अफगानिस्तान दुहाँवना थी थी आतंकवादी ज्याखँय् दुथ्यागु दु  । उपिं फुक्क पाकिस्तानया विद्रोही पुचः तहरीक ए तालीवानया दुजःत जूगु प्रतिवदेनय् उल्लेख यानातःगु दु ।
 
अफगानिस्तानय् सक्रिय तालीवान दथुया समन्वय न्ह्यानाच्वंगु इलय् उपिं दुहाँवंगुलिं अफगानिस्तानय् थप हिंसात्मक ज्यापहः जुइगु आंकलन याःगु दु । उपिं पुचः आः अफगानिस्तानया पूर्वी नंगरहार प्रान्तय् सक्रिय दूगु धाःगु दु ।
 
अफगानिस्तानय् थी थी देशं थ्यंपिं आतंकवादीया ल्याः ८द्वः निसें १०द्वःतक्क दूगु प्रतिवदेनं क्यंगु दु । अफगानिस्तानय् लिपांगु ई अमेरिकी सेना लिहाँवनेधुंका न्ह्यागु हिंसाय् सलंसःम्हसिया ज्यान वनेधुंकुगु दु । 
Categorized in अन्तर्राष्ट्रिय