२०८० फाल्गुण १२, शनिबार

पाकिस्तान एअरलाइन्सया विमान दुर्घटना

लहनान्यूज सम्वाददाता | थिंलाथ्व अष्टमि ११३७ (डिसेम्बर ७ २०१६)

पाकिस्तान इंटरनेशनल एयरलाइन्सया विमान पीके–६६१ पाकिस्तानया उत्तरपाखे हवेलियां लिक्क दुर्घटनाग्रस्त जूगु दु ।
 
एयरलाइंसया प्रवक्ता दानियाल गिलानीयात उद्धृत यासें विमानय् ४० यात्री लिसें न्याम्ह चालक दलया दुजः गयावंगु दुगु बिबिसिं न्ह्यथंगु दु । 
 
गिलानीया कथं विमान ३ः४०ताः इलय् चितरालं इस्लामाबादया नितिं ब्वःगु खः । ४ः१६ताः इलंनिसें विमान स्वापुतिं पिहांवंगु खः ।
 
थुगु विमानयात न्हापा नं ‘सेफ्टी फेलियर’या द्वपं लायेधुंकूगु दु । सन् २००६स नं पीआईएया हे छगू विमान दुर्घटनाय् ४४म्ह मनूत सीगु खः ।
 
यूरोपीय संघं सन् २००७य् पीआईए विमानयात यूरोपय् उडानया नितिं रोक तयाब्यूगु खः ।
Categorized in अन्तर्राष्ट्रिय