२०७८ श्रावण १७, आइतबार

पाकिस्तान विरुद्धया टी ट्वेन्टी श्रृंखला इंग्ल्याण्डयात

दिल्लाथ्व द्धादशी ११४१,साउन ६ बुधवाः

पाकिस्तान विरुद्धया ट्वेन्टी ट्वेन्टी अन्तराष्ट्रिय क्रिकेट श्रृंखला इंग्ल्याण्डं त्याकुगु दु ।
 
३गूगु व लिपांगु कासाय् वंगु चान्हय् भ्रमणकारी टोली पाकिस्तानयात ३गू विकेटं बुका इंग्ल्याण्डं श्रृंखला २–१गूलिं त्याकुगु खः । म्यान्चेस्टरया ओल्ड ट्राफोर्डय् टस त्याका न्हापा व्याटिङ याःगु पाकिस्तानं २० गू ओभरय् ६ गू विकेट त्वफिका सच्छि व ५४गू रन दयेकुगु खः ।
 
इमिगु नितिं मोहोमद रिजवानं अविजित ७६गू रन मुंगु खः । बलिङपाखे इंग्ल्याण्डका आदिल राशिदं ४ गू विकेट काल । लिसःलय् सच्छि व ५५गू रनया आज्जु इंग्ल्याण्डं १९गू ओभर ४ गः बलय् ७ गू विकेट त्वफिका पूवंकल ।
 
इंग्ल्याण्ड त्यागुलिइ जेसन रोयया ६४ गू रन महत्वपूर्ण जुल । कासा त्यागु लिसें इंग्ल्याण्डं पाकिस्तान विरुद्धया एक दिवसिय व टी– ट्वेन्टी निगुलिं श्रृंखला त्याकुगु दु । टी–ट्वेन्टी श्रृंखला २–१गूलिं त्याकुगु इंग्ल्याण्डं एक दिवसिय श्रृंखला ३–०लिं थःगु पक्षय् लाकुगु खः ।
 
नियमित टोलीयात कोरोना संक्रमण जुइधुंका न्हूगु टोली ख्यःलय् क्वकाःगु इंग्ल्याण्डं पाकिस्तानयात श्रृंखला ज्वछि हे दबाबय् तःगु खः ।
Categorized in कासा