पाटन दरबार क्षेत्रय् ल्याय्म्हतय्गु मेला
नृपेन्द्रलाल श्रेष्ठ | सिल्लाथ्व सप्तमी ११४०
युवा उद्यमशीलता प्रर्वद्धनया नितिं पाटन दरबार क्षेत्रय् मेला याःगु दु । यल महानगरपालिका वडा ल्याः १६, मिखा कन्सल्टिङ प्रा.लि. व यल वयेर्सया मंकाः ग्वसालय् उगु मेला याःगु खः ।
लोकल मेड इन नेपाल नां बियाः याःगु उगु मेलाय् ल्याय्म्हतसें उत्पादन याःगु थीथी हलंज्वलंया स्वीगू स्टल तःगु खः ।
उगु मेलाय् ल्याय्म्हतसें सांगीतिक प्रतिभा नं न्ह्यब्वःगु खः ।
थ्व स्वयां न्ह्यः उगु वडां कला व संस्कृति महोत्सवस, स्थानीय महिला उद्यमशीलता प्रबद्र्धनया नितिं बुबहाल मेला व मोहनि मेलाय् नं भूमिका म्हितूगु खः ।
