पार्टी त्वःतुपिं नेतापिन्त माओवादी केन्द्रं कारबाही याइगु
बछलाथ्व एकादशी ११४१,असार ७ सोमवाः
नेकपा माओवादी केन्द्रं नेकपा एमालेय् दुथ्यापिं स्थानीय तहया जनप्रतिनिधि व केन्द्रीय दुजःपिन्त पार्टीपाखें निष्कासन यायेगु निर्णय याःगु दु ।
थांै च्वंगु केन्द्रीय समितिया मुँज्यां उमित पार्टीपाखें निष्कासन यायेगु निर्णय याःगु खः । भर्चुअल माध्यमपाखें च्वंगु केन्द्रीय समितिया मुँज्यां माओवादी केन्द्रपाखें चुनाव त्याकूपिं व लिपाः एमाले प्रवेश यापिं १४म्ह जनप्रतिनिधिपिन्त कारवाही याःगु खः ।
थ्वयांन्ह्यः च्वंगु माओवादीया केन्द्रीय समितिया मुँज्यां दल त्याग याःपिन्त कारबाही यायेगु निर्णयया अधिकार नायः प्रचण्डयात बिउगु खः । उगु हे अधिकारकथं माओवादी केन्द्रं निर्वाचन आयोगय् कारबाहीबारे जानकारी याःगु खः ।
तर, आयोगं केन्द्रीय समितिया मुँज्या कारबाहीया निर्णय मजूगु धासें दल त्यागया सूचं जारी मयागु खः ।
