२०८० चैत्र १५, बिहिबार

पुलांम्ह सह–सचिव पाण्डेपाखें आत्महत्या

लहना न्यूज | ने.सं. ११३९ दिल्लागा तृतिया (२० जुलाइ, २०१९), सञ्चरवाः

त्रिभुवन विश्वविद्यालय सेवा आयोगया अनियमितताय् दुथ्याःम्ह पुलांम्ह सह–सचिव रामबहादुर पाण्डें आत्महत्या याःगु दु ।
 
कानून व्यवसायीतलिसे सहलह यानाः लिहां वयेगु झ्वलय् पाण्डें त्रिपुरेश्वरया राधा भवनं तिन्हुयाः आत्महत्या याःगु खः ।
 
येँ प्रहरी परिसर, टेकूया डिएसपी होविन्द्र बोगटीयाकथं पाण्डें राधा भवनया न्यागूगु तल्लापाखें म्हिगः विहिवाः तिन्हूगु खः । पाण्डे विरुद्ध दच्छिया जेल सजाँयया माग दावी यासें अख्तियार दुरुपयोग अनुसन्धान आयोगं मुुद्दा दायर याःगु खः ।
लमजुङ छेँ दुम्ह पाण्डे लिपांगु इलय् किपुली च्वना वयाच्वंगु खः । वय्कः प्रेसर व डिप्रेसनया तकं ल्वगि जूगु छेँजःपिन्त उदृत यासें प्रहरीं न्ह्यथंगु दु ।
 
म्हिगः शुक्रबार पाण्डेया सीम्ह पोष्टमार्टम याःगु खः ।
Categorized in अपराध