पुलुकिसी द्यःया आखा छेँ उलेज्या जुल
राम डंगोल | थिंला नवमी ११४२, मंसीर २७ सोमबाः
येँया किलाघःया पुलुकिसी द्यःया आखा छेँ म्हिगः छगू ज्याझ्वया दथुई उलेज्या जूगु दु ।
येँ महानगरपालिकाया मेयर विद्यासुन्दर शाक्यं उलेज्या यानादिगु उगु आखा छेँ पुनर्निर्माण याःगु खः । इन्द्र द्यःया वहान पुलुकिसी अर्थात् ऐरावत किसियात नेवातय्सं पुज्यावयाच्वंगु दु ।
न्हूगु दयेकूगु उगु आखाछेँ उलेज्याया झ्वलय् मेयर शाक्यं नेपाःया धार्मिक एवं संस्कृतियात म्वाकातयेगु दक्वःसियागं भाला जूगु धयादिल ।
ज्यापू सांस्कृतिक सम्प्रदाय संरक्षक समितिं ग्वसाःग्वःगु उगु ज्याझ्वलय् मेयर शाक्यं झिगू संस्कृति, तजिलजियात म्वाकातयेगु महानगर सदां न्ह्यानाच्वनागु धयादिल ।
इन्द्र द्यःया वहान कथं कयावयाच्वंगु पुलुकिसीया प्याखँ येँया पुन्हीया लसताय् पिकायेगु व गणेश, भैरव, कुमारीया रथ ल्यूल्यू ल्हूकेगु चलन दयावयाच्वंगु दु ।
