पूच्वय् ज्वंपिन्त त्वःतेत नेपाः पार्टीया माग
शोभा श्रेष्ठ | ञंलागा ४ ११४० (भाद्र २१) आइतवाः
नेपाः राष्ट्रिय पार्टिं वंगु भाद्र १८ गते यल महानगरपालिकाया पूच्वय् जूगु झडप व प्रहरी दमनमा गम्भीर ध्यानाकर्षण जूगु न्ह्यथंगु दु ।
नेपाः पार्टिं प्रेस वक्तव्य जारी यासें पूच्वया झडपया झ्वलय् प्रहरीपाखें जूगु धरपकडया विरोध समेत याःगु दु ।
‘नेवाः जाति व संस्कृति थुज्वःगु जनविश्वासयात लापरवाही याःगु अले प्रसाशन र सरोकारवाला संयमित मजूगु खनेदु । अथेजुयाः ज्वनायंकूपिं सकसितं विना शर्त रिहा यायेत नेपाः रा. पार्टीपाखें इनाप यानाच्वना’ विज्ञप्तीइ धयातःगु दु ।
घटना सम्वन्धी सत्यतथ्य छानबिन यानाः दोषी पक्षयात कारवाही नं यायेमाःगु विज्ञप्तीइ न्ह्यथनातःगु दु ।
Categorized in राष्ट्रिय
