पूधाःप्याखं ‘करुणा कुञ्ज’ सफू पितब्वज्या
नृपेन्द्रलाल श्रेष्ठ | बछलाथ्व एकादशी ११३९ (मे १५ २०१९)
भाषानिभाः प्रेमबहादुर कसाःया १०२ क्वःगु दँया बुदिंया लसताय् छगु ज्याझ्वः यासे ‘करुणा कुञ्ज’ पूधाःप्याखं सफू पितब्वज्या जूगु खः ।
च्वसापासाया ग्वसालय जुगु उगु ज्याझ्वलय् भुषण प्रसाद श्रेष्ठं भाय् हिलादीगु भाषानिभाः प्रेमबहादुर कसा च्वयादीगु उगु सफु मूपाँहा भाषासेवी हितकर वीर सिं कंसाकारं पितब्बज्या यानादीगु खः ।
अथेहे ज्याझ्वलय् पाँहा कथं जनकवि दुर्गालाल श्रेष्ठ भाषानिभा कसाःया बारे थःगु नुगँ खः तयादीगु खःसा जनगायक भृगुराम श्रेष्ठ व रीता महर्जनं उगु सफुतिं दुथ्यागु म्ये न्यकादीगु खः ।
पिच ब्बज्या जुगु पूधाःप्याखं सफु ‘करुणा कुञ्ज’ या बिषय्लय् डा.चुन्दा बज्राचार्यं समिक्षा यानादीगु खः ।
च्वसापासाया नायः भुषण प्रसाद श्रेष्ठया सभाधक्ष्याताय् जुगु उगु ज्याझ्वः रमेशकाजी स्थापितं न्ह्याकादीगु खः ।
