पूर्वन्यायाधीश फोरमं फ््वन प्रधानन्यायाधीश राणाया राजीनामा
कौलागा तृतीया ११४१, कात्तिक ६ शनिबाः
पूर्वन्यायाधीश फोरमं प्रधानन्यायाधीश चोलेन्द्र शमशेर राणाया राजीनामा माग याःगु दु ।
प्रधानन्यायाधीश राणाया ज्यापहः, व्यवहार व आचरणय् गम्भीर न्ह्यसः थना सुधार मयासें थ्वहे स्थितीइ जुइगु खःसा मार्गप्रश्स्तया पलेसा मदूगु उमिगु ठहर दु । फोरमं विज्ञप्ति पिकाना प्रधानन्यायाधीश राणा छगू लिपा मेगु कचवंनय् तक्यंगुलिं थःपिन्सं निकास बिइमाmगु न्ह्यथंगु दु ।
विज्ञप्तीइ मन्त्रिपरिषद्य् ब्व स्वगु , तिरि हत्या अभियोगय् जेल लाम्ह सशस्त्र प्रहरीया डीआईजी रञ्जन कोइरालाया सजाय क्वपागु, प्रतिनिधि सभा विघटनया मुद्दा लिसेंया थी थी मुद्दा पेसी सूची क्वजिइगु खँय् ब्वलंगु कचवं, संवैधानिक अंगय् जूगु नियुक्तिइ भागबन्डा लिसेंया विषयलय् राणा विवादित जूगु विज्ञप्तिइ उल्लेख दु ।
प्रधानन्यायाधीश जबरा थःपिन्सं निकास मबिउसा वयेकयात प्रतिनिधि सभां निष्पक्ष छानबिन यायेमाःगु पूर्वन्यायाधीशतये माग दु । अथेहे न्यायपालिका ल्यंकेगु लिपांगु दायित्व थःपिं न्यायाधीशपिनिगु हे जूगु धका फोरमं न्यायपालिकायात थःगु हे नेतृत्वपाखें ल्यंकेत फुक्क तहया न्यायाधीशतयेत न्ह्यज्यायेत नं इनाप याःगु दु ।
अदालतय् दलालतये प्रवेश पनेत स्वचालित प्रणाली लागु यायेत नं प्रधानन्यायाधीश सुथांमलाःगु फोरमया लिच्वः दु । न्यायाधीश हरिकृष्ण कार्की नेतृत्वया समितिं साउनय् लःल्हागु प्रतिवेदन आःतक्क लागू मजूगुलिं राणाया खँय् ब्वलंगु शंका–उपशंका अझं गम्भीर जूगु फोरमं न्ह्यथंगु दु ।
थ्वहे दथुइ, नेपाल बार एशोसिएसनं न्यायालय सुधारया प्रतिवद्धता प्वंकेत प्रधानन्यायायाधीश चोलेन्द्रशम्शेर जबराायत १५न्हूया ई बिउगु दु । नेपाल बारया मुँज्यां न्यायाधीश हरिकृष्ण कार्की नेतृत्वया समितिया छ्याता कार्यान्वयनया खँय् सर्वोच्च अदालतया पूर्ण मुँज्यापाखें निर्णय यायेत १५न्हूया ई बिउगु खः ।
Categorized in राष्ट्रिय
