पेजथ्री अवार्डया नामांकन सार्वजनिक जुइगु
लहनान्यूज | अनलाथ्व तृतीया ११३७ (अगष्ट २४ २०१७)
पेजथ्री पिपल्स च्वइस अवार्ड ११३७या नामांकन सार्वजनिक जुइगु जूगु दु ।
वइगु ञलाथ्व दशमी (भाद्र १६)कुन्हु येँया खुसिबुँस्थित नेपाः व्यांक्वेटय् छगू ज्याझ्वः यासें अवार्डया नामांकन सार्वजनिक यायेत्यंगु खः । व हे नामांकन ज्याझ्वलय् लाइफ टाइम एचिभमेन्ट अवार्डया नं घोषणा जुइगु अवार्ड ज्याझ्वः कजि दर्शनवीर शाक्यं धयादीगु दु ।
कजि शाक्यं पेजथ्री अवार्डया मू ज्याझ्वःया मिति नं नामांकनया दिनय् घोषणा यायेगु जानकारी बियादिल । थुगुसीया नामांकनय् छुं छुं प्राविधिक खँय् हिलाबुला यायेमाःगु वाध्यता लिसें अवसर नं वःगु वय्ंकलं धयादीगु दु ।
थुगुसी पेजथ्री अवार्डया स्वक्वःगु संस्करण जुइत्यंगु खः । थ्वयां न्ह्यः अवार्डया न्हापांगु संस्करण ने.सं. ११३०य् व ने.सं. ११३३य् निगूगु संस्करण जुइधुंकुगु दु ।
थुगुसीया स्वक्वःगु पेजथ्री अवार्डया घोषणा जेठ २७य् जूगु खःसा असार १० तक्क नां दुथ्याकूगु खः । नेवाः संकिपा, म्युजिक भिडियो व संगीत ख्यःयात दुथ्याकाः थुगु अवार्ड लः ल्हाइगु खः ।
Categorized in मनोरन्जन
