पोखराय् पर्यटकीय गतिविधि न्ह्यात
लहानान्युज | अनलाथ्व षष्ठी ११४०,असोज ६ मंगलवाः
पोखरा पर्यटन परिषदको पोखराका होटल, रेष्टुरेन्ट, ट्राभल, ट्रेकिङ लगायत मेमेगु पर्यटकीय गतिविधि न्ह्याःगु दु ।
नेपाल सरकारं तोके याका याःगु स्वास्थ्य तथा सुरक्षाया मापदण्डयात पूर्ण पालना याना जिल्ला प्रशासन कार्यालय कास्कीं असोज १ य् जारी याःगु सूचनाया पूर्ण पालना यासे पर्यटकीय गतिविधि सुरु जुगु परिषदं धाःगु दु ।
नेपाल सरकारं सार्वजनिक सवारी, पर्यटकीय सवारी व आन्तरीक उडानयात सुचारु यायेत बिःगसस अनुमतियात लसकुसयासे पोखराय् दक्को होटल, रेष्टु्ररेन्ट, टेकिङ, ट्राभल लगायतया मेमेगु पर्यटकीय गतिविधि विश्व स्वास्थ्य संगठनया गाइडलाइन व नेपाल पर्यटन बोर्डया सुरक्षा मापदण्डयात पूर्ण रुपं पालना याना सुचारु यायेगु निर्णय यानागु धका परिषद् धाःगु दु ।
पोखरा पर्यटन परिषद पोखराय् पर्यटन नाप प्रत्यक्ष रुपं सम्बन्धीत व्यवसायीक संस्थापिनिगु छाता संगठन खः । नेपालय् कोभिड १९ या संक्रमणयात म्हो यायेत सरकारं पाखे घोषणा याःगु लकडाउन व निशेद्याज्ञयात छ्वासुकुलि मेमेगु व्यवसाय विस्तारं न्ह्याःगु पर्यटन क्षेत्र बन्दाबन्दी जुगुलि थीथी थाय् या पर्यटन बजारयात चलायमान दयेकेत अपने यायेगु मोडलयात सकारात्मक रुपं काये माःगुलि व्यवसाय सूरु यायेमाःगु परिषद् धाःगु खः।
Categorized in राष्ट्रिय
