पोर्चुगलया ल्याम्ह कासामीपिन्त बुका जर्मनी यु–२१ या च्याम्पियन
लहनान्यूज | बछलागा एकादशी ११४१, जेष्ठ २४ सोमबाः
पोर्चुगलयात बुकुसें जर्मनीं युरो यु–२१ च्याम्पियनसिपया च्याम्पियन जुइत ताः लाःगु दु ।
स्लोभेनियाय् म्हिगः चान्ह्यः जूगु पोर्चुगलयात १–०नां बुकुसें जर्मनीं उपाधि त्याकूगु खः । जर्मनीयात च्याम्पियन जुइत लुकास एनएमेचां निगूगु हाफय् याःगु गोल हे निर्णायक जुल ।
जर्मनी लगाता स्वंगूगु सिजन फाइनलया यात्राय् थ्यंबलय् निक्वःखुसी च्याम्पियन जुइल सफल जूगु खः । जर्मनी २०१७ य् च्याम्पियन जुबले २०१९ य् स्पेनलिसे २–१गू लिं बुइमाःगु खः ।
पोर्चुगल स्वक्वःखुसी फाइनलय् थ्यंसा नं उपाधिपाखें विमुख जुइमाल । पोर्चुगलं १९९४ व २०१५ य् फाइनल म्हितुगु खः ।
पोर्चुगल १९९४य् इटालीलिसे तंसा ईलय् १–०नां व २०१५य् स्वीडेनलिसे पेनाल्टी सुटआउटय् ४–३गुलिं बुइमाःगु खः ।
Categorized in कासा
