प्रचण्ड–नेपाल समूहया अध्यक्ष पुष्पकमल दाहाल प्रचण्ड व नेता वामदेव गौतम दथुइ भेटवार्ता जूगु दु।

प्रचण्ड निवास खुमलटारय् थौं जूगु उगु भेटय् वामदेवयात प्रचण्डं थःपिनिगु समूहपाखे वयेत इनाप याःगु खः।

वामदेवं धाःसा थः नेकपा एकीकरणया पक्षय् दुगु धका धाःगु खः । गोतमं थः नेकपा एकीकरणया कुतलय् दुगु धका वामदेवया प्रेस संयोजक विश्वमणि सुवेदी न जानकारी बिःगु खः।

नेकपा ओली व प्रचण्ड–नेपाल समूहय् विभाजन जुइवं थःथःपिन्स पार्टी कमिटी गठन याये धुकुगु खःसा वामदेव धाःसा आःतक छु  न समूहपाखे वःगु मदुनि।

Categorized in राजनीति