२०८० चैत्र १५, बिहिबार

प्रतिनिधिसभा विघटनविरुद्ध सर्वाच्चय् २९गू रिट दर्ता

लहानान्युज | कछलाथ्व त्रयोदशी ११४१,जेष्ठ १० सोमवाः

प्रतिनिधिसभा विघटविरुद्ध सर्वाेच्च अदालतय् २९गू रिट दर्ता जूगु दु ।
 
संविधानया धारा ७६ या उपधार ३ कथं सरकारं उपधारा ४ कथं विश्वासया मत कायेमाःगु, उपधारा ५ कथं १४९म्ह सांसादपिनिग ल्हाचिंलिसें प्रधानमन्त्रीया दावी यायेत झाम्ह शेरबहादुर देउवायात प्रधानमन्त्री दयेकेमाःगु व प्रतिनिधिसभा पुनःस्थापना यायेमाःगु लगायत मागयासें सर्वाेच्च अदालतय् २९गू रिट दर्ता जूगु अदालतया सह रजिष्ट्रार बाबुराम दाहालं जानकारी बियादिल । 
 
२९गू मध्ये २६गू रिट ला संविधानया धारा ७६ या उपधारा ५ कथं शेरबहादुर देउवायात प्रधानमन्त्री नियुक्त यायेमाःगु माग यानातःगु दु । रिटय् सरकार दयेकेगु आधार दयेक हे प्रधानमन्त्रीया सिफारिय् राष्ट्रपतिं प्रतिनिधिसभा विघटन याःगु असंवैधानिक जूगु न्ह्यथंगु दु । 
 
अथेहे ३गू रिटय् धाःसा संविधानया धारा ७६या उपधारा ५ कथं प्रधानमन्त्री केपी शर्मा ओलीयात नियुक्त यायेमाःगु माग याःगु दु । दलीय व्यवस्थाकथं राज्य संचालन प्रणालीइ १२१म्ह सांसद दूगु नेकपा एमाले व ३२म्ह सांसद दूगु जनता समाजवादी पार्टी याना मुक्क १५३म्ह सांसदपिनिगु समर्थन दूसा नं राष्ट्रपतिं प्रधानमन्त्री नियुक्त मयाःगु विषयस दु ।
 
शुक्रबाःनिसेंया रिटय् अध्ययन याना सर्वाेच्चं थौं जक दर्ता याःगु खः । थ्वयान्ह्यः पुस ५ गते जूगु प्रतिनिधिसभा विघटनया विषयलय् बहस यायेत सर्वाेच्चय् १३गू रिट निवेदन दर्ता जूगु खः । सर्वाेच्च अदालतं निलाः तःहाकःगु बहसलिपाः प्रतिनिधिसभा पुनःस्थापनाया पैmसला याःगु खः । 
Categorized in राजनीति