२०८० चैत्र १६, शुक्रबार

प्रदेश नम्बर एक, प्रधानमन्त्री कप राष्ट्रिय मिसा क्रिकेटया सेमिफाइनलय्

ने.सं. ११४२ थिंलागा तृतिया, २०७८ पुस ७ बुधबाः

प्रदेश नम्बर एक, प्रधानमन्त्री कप राष्ट्रिय मिसा क्रिकेट च्याम्पियनसीपय् पुचः ए या त्याकामि जुयाः सेमिफाइनलय् दुहाँवंगु दु ।

थ्वहे पुचलं लुम्बिनी प्रदेश ल्यूत्याकामि जुयाः सेमिफाइनल दुहाँवंगु दु । धनगढीया फाप्ला क्रिकेट मैदानय् जूगु कासाय् प्रदेश एकं लुम्बिनी प्रदेशयात ६७गू रनं बुकूगु दु ।

प्रदेश एकया अप्सरी वेगमं दकले उप्वः ४४गू रन दयेकल । सछि व १५गू रनया विजयी लक्ष्यनाप मैदानय् कुहाँवःगु लुम्बिनी ४७गू रनय् लिकुन । लुम्बिनीया सुं न कासामिं दोहोरो ल्याय् रन दयेके मफुत ।

मेगु कासाय् वाग्मती प्रदेश त्याःगु दु । थ्वसिवे न्ह्यः च्याम्पियनसीपं पिहाँवंगु वाग्मतीं कर्णाली प्रदेशयात ७९गू रनं बुकूगु खः । च्याम्पियनसीप अन्तर्गत कन्हय् पुचः ‘बी’या निगू कासा जुइ ।

न्हापांगु कासाय् सुदूरपश्चिम प्रदेश व विभागीय पुचः एपिएफ क्लबदथुइ धेंधेंबल्ला जुइ । मेगु कासाय् गण्डकी प्रदेश व प्रदेश नम्बर दुईदथुइ धेंधेंबल्ला जुइ ।

Categorized in कासा