प्रदेश १य् सांसद कुसुम कुमारी श्रेष्ठयात कोरोना संक्रमण पुष्टि
लहनान्युज | गुंलागा ८ ११४०, साउन २८ बुधवाः
प्रदेश १ या सांसद कुसुम कुमारी श्रेष्ठयात कोरोना संक्रमण पुष्टि जुगु दु ।
धनकुटापाखे प्रदेशसभाउय् प्रतिनिधित्व यानादिम्ह श्रेष्ठयात बुधवाः जक कोरोना संक्रमण पुष्टि जुगु खः । सांसद श्रेष्ठ इटहरी च्वम्ह खः ।
वयात साउन २० गते स्वास्थ्यय् समस्या वःगुलि शनिवाः धरानय् स्वाब बिउ वःगु खः । बुधवाः पोजेटिभ रिपोर्ट वःगु खः । श्रेष्ठया स्वास्थ्य अवस्था सामान्य दु ।
प्रदेश १ य् कोरोना संक्रमण पुष्टि जुइ वः थ्व उच्चपदस्थ निम्ह म्ह मनू जुगु दु । थ्व स्वया न्ह्यः प्रदेश १ या मुख्य न्यायाधिवक्ता चुडामणि आचार्ययात कोरोना संक्रमण पुष्टि जुगु खः ।
प्रदेश १ य् आः तक द्धःछि व ५६३ म्हेसित कोरोना संक्रमित जुइ धुकुगु दु ।
उकि मध्ये द्धःछि व १४ वासः याका छेँय् लिहा वने धुकगु दु ।
